Konsertar og framsyningar
Bente Illevold (eufonium) og
David Cariano Timme (slagverk)
Frekvensar
Torsdag 14.mai kl 16
I konserten Frekvensar møtast eufonium og slagverk i eit nært og klangrikt samspel. Programmet består av vakker og stemningsfull musikk - med verk av bl.a Ellen Lindquist og Terje Viken, lyriske solostykker, samt viser og folketonar i nye klanglige drakter.
Konserten inviterer publikum inn i eit varmt og spennande klangunivers. Musikken rører seg mellom det stille og ettertenksame til det meir energiske og lekne.
Bente Illevold er eufoniumsolist og ein av dei mest profilerte utøverane på instrumentet i Noreg. Ho konserterar jamnleg heime og internasjonalt, og arbeidar aktivt med å utvikle nytt repertoar for eufonium gjennom bestillingar, urfremføringar og samarbeid med komponistar.
David Cariano Timme er slagverkar og kammermusikar basert i Oslo. Han arbeidar inna fleire musikalske sjangre og opptrer jamnleg ved festivalar og konsertar i Norge og Europa, med eit særlig engasjement for ny musikk og samarbeid med komponistar.
Billettar til denne konserten kjøpast med Vipps, ikkje gjennom e-billett/Ål kulturhus. Vipps kr 250 til #15617, vis kvittering ved inngang.
Ballkjolekveld!
Fredag 15.mai kl 19
Lenge sidan du har lufta den finaste kjolen i skapet? No har du sjansen! Ballkjolekveld i Operalåven vert ein jentekveld av dimensjonar. Vi skal ete, drikke, danse, skravle og kose uss - og ja, det er sjølvsagt lov å skifte kjole halvvegs ut i kvelden...!
Kåringar med premiar:
Kjolen med den mest morosame historien
Kjolen med mest bling
Den eldste kjolen
Den mest elegante kjolen
Den mest bløtkakeaktige kjolen
Andre? Send innspel til festkomitéen!
Aldersgrense nedover er 25 år - dette er ingen ungdomskveld. Velkomstdrink og fancy fingermat er inkludert i prisen. Baren er åpen utover kvelden.
Billettar til Ballkjolekveld kjøpast med Vipps, ikkje gjennom e-billett/Ål kulturhus. Vipps kr 400 til #15617, vis kvittering ved inngang.
Påmelding innan 1.mai.
Ta den finaste festkjolen fram frå skapet og bli med!
Tømmermannskveld!
Fredag 22.mai kl 18
Tømmerveggane i fjøset i Operalåven vert ofte kommentert av oppmerksame gjester. Kva er historia bak desse veggane, og kor kjem dei enorme stokkane frå? Korleis får man eigentleg stokkane til å liggje i kryss? Kva vet vi om tømmer og tømmerdrift i Votndalen og Hallingdal? Er du mann med interesse for tømmer - dette er kvelden for deg.
Gudbrand Gulsvik frå Hallingskog startar kvelden med eit foredrag om tømmer og tømmerdrift i Hallingdal. Steinar Sørbøen held fram med historia bak stokkane i fjøset og korleis dei kom på plass, og til slutt får vi høyre om då byguten Espen Liane lærte kunsten å lafte sitt eige hus.
Mellom slaga vert det pauseaktivitetar som telling av årringar, løfting av tømmerstokker (så klart!) og kanskje nokre røvarhistorier. Kaffe og noko småtteri å bite i er inkludert i inngangsbilletten. Baren er åpen.
Velkomen til gutta sin kveld i låven!
Billettar til Tømmermannskveld kjøpast med Vipps, ikkje gjennom e-billett/Ål kulturhus. Vipps kr 2oo til #15617, vis kvittering ved inngang.
Song Circus og Tuva Færden
Vardøger
Sundag 31.mai kl 14
I gamle dagar brukte dei magiske ritual og songar for å vekke åkeren om våren. Kor vender me uss i dag når polane smeltar og gradane stig? Vardøger er ei kjærleiksfyld forsvarstale for vernet av naturen vår, komponert av felespelar og komponist Jorun Marie Kvernberg. Gamle bøner, rim og regler om godt vêr og grøderikdom er blanda med fagtekster, og det frodige og vakre lydlandskapet har ein fot i tradisjonsmusikken og ein i samtida. Musikken spring ut av Jorunn Maries felespill, men og av song og vokal lydleik. Den har og avtrykk av lyd fra far-Kvernbergs seljefløyte-makeri.
Kammerensemblet Song Circus (etablert i 2009) er eit ledande vokalensemble innan samtidsmusikk. Kunstnerisk leiar er Liv Runesdatter. Song Circus arbeidar med eksperimentell musikk, lydkunst og audiovisuelle produksjonar. Det er eit utradisjonelt og improviserande vokalensemble, bygd som eit instrument, med ulike kvalitetar og musikalske tilnærmingar. Song Circus har opptrådt på festivalar og konsertscener i Europa, og har vorte spelt på radio og TV i Tyskland, Skottland, Belgia, Nederland og Norge. Surround-albumet Anatomy of Sound var nominert til Spelemannpris, og den nyaste filmproduksjonen deira, Fugler, har vorte vist på 27 internasjonale filmfestivaler i 16 ulike land og har vunne 9 internasjonale filmprisar.
I Ål er det Tuva Færden som spelar fele. Konserten arrangerast i samarbeid med Folkemusikkveka.
Sommaropera!
Laurdag 27.juni kl 13 og 18
Opera midt i naturen!
For 8. år på rad ynskjer me velkomen til utandørs Sommaropera på Sehl.
Publikum sit i tunet, og får servert musikalske høgdepunkt frå opera og operette brodert inn i ei lokal historie der humor og høge tonar går hand i hand. Framsyninga høver for heile familien, og er i år særskilt høveleg for born!
Det er 2 framsyningar: kl 13.00 og kl 18.00.
Området opnar 2 timer før. Sal av mat og drikke. Publikum sit under open himmel og må kle seg etter vêret.
Området har noko begrensa parkering, samkøyring er tilrådd. Publikum kan ha med eigne stolar eller teppe til å sitja på i grasbakken. Eit felt med stolar nær scena er tilgjengeleg for dei som vil sitja på flatmark.
Solistar: Mariann Fjeld-Solberg, Marit Sehl, Markus Bjørlykke og Jørgen Magnus Komani Haslum. Piano: Monica Tomescu-Rohde.
Manus og regi ved Marit Sehl.
Kjøp billettar
Billettar til alle våre framsyningar kan kjøpast direkte i skranken på Ål kulturhus, eller på heimesida til Ål kulturhus. Der kan du og kjøpe gåvekort til framsyningar i Operalåven.
Hugs at vi har gratis inngang for barn og ungdom t.o.m 21 år!