Konsertar og framsyningar
Erlend Apneseth Ensemble
(arr: Fryd Scene)
Torsdag 12.februar kl 19.30
Hardingfelespelaren Erlend Apneseth har med sin særeigne spelestil og ei lang rekkje kritikarroste Hubro-utgjevingar prestert kunststykket å bli publikum og kritikarane sin yndling både i folkemusikken, jazzen og nymusikkens verden. Det nyaste albumet hans, «Song over Støv», vart sleppt i fjor til strålande kritikkar, og fekk mellom anna terningkast 6 i Bergens Tidende:
«Apneseth tar oss ut i verden på mesterlig vis. Denne platen kunne godt vart mye lenger».
Bandet han har sett saman for anledninga kan med rette kallast ei supergruppe, sett saman av nokre av dei mest tonegjevande musikarane på den norske musikkscena i dag. Gjennom eit rått og vakkert samspel utforskar Apneseth og ensemblet hans omgrepet «verdsmusikk», med utgangspunkt i hardingfela og alle moglegheitene som ligg der. Slik landskap og dalføre glir nesten umerkeleg over i kvarandre, er det tynne liner som skil stilar og tradisjonar. Det skal berre ørsmå endringar til før ein er på ein heilt annan stad. Denne gråsona er Apneseth sitt rike.
Erlend Apneseth - hardingfele
Mats Eilertsen - kontrabass
Rolf-Erik Nystrøm - saksofon
Frode Haltli - akkordion
Veslemøy Narvesen - trommer / perkusjon
Hans Hulbækmo - trommer / perkusjon
Henriette Eilertsen - fløyter
Rasmus Kjorstad - hardingfele, vokal, fele, oktafele
Selma French Bolstad - hardingfele, vokal
Jørgen Brennhovd - lyd
Tzigane!
Laurdag 14.februar kl 16
Konserten Tzigane inviterer til virtuos, fyrrig, rytmisk og vakker musikk - frå Ungarske dansar av Brahms til Czardas av Monti og Zigeunerweisen av Sarasate.
Birgitte Stærnes har spelt på konsertar og festivalar over store delar av verda, og i samspel med Helge Kjekshus får me høyre kva temperament som bur i musikk for fiolin og piano. Den som har høyrt slik musikk veit at det nesten ikkje er råd å sitja stille!
Flygelet i Operalåven, som lyder namnet Staslin, ser fram til denne kvelden med intime klangar og raske løp.
Birgitte Stærnes, fiolin
Helge Kjekshus, piano
Påskeklang: Utbrent av den hellige ånd
Sundag 29.mars kl 16
Korleis er det å vekse opp med ei forkynning som former alt du ser rundt deg? Som prøver å definere "rett" og "galt" i alt du føler og tenkjer? I monologforestillingen Utbrent av den hellige ånd tek Karin Kilden eit modig, dypt personlig og samstundes humoristisk oppgjer med oppveksten i Brunstad Christian Church – betre kjend som Smiths venner.
Framsyninga hadde prøvevisning til full sal og stående applaus på Hamar Teaters monologfestival Monofon i januar 2025, og vart spelt hausten 2025 og på nyåret 2026 i Oslo og Asker. Med seg på scena har Kilden pianist Trond Lindheim, og framsyninga inneheld nyskrivne sanger av Hanne T Asheim. Regien er ved Karina Aase.
– Dette er en forestilling jeg har båret på i 30 år, sier Kilden. – Det er ikke først og fremst en anklage mot «dem», men et behov for å gi stemme til det barnet jeg en gang var – og kanskje til noen andre som har kjent seg like alene og fortvilet. Det kan være brutalt når du må forlate det som er ditt hjem, din identitet og alt du er glad i - for å ta vare på deg selv.
Framsyninga seiast å vere ein sprudlande coctail av TED-talk, revy og sjølvhjelp – med både humor og djupt alvor. Publikum får oppleve både hjerteskjærande og lattervekkjande augeblink: Åtteåringen med tvangstankar, tenåringen med trukrise, opposisjon mot strukturen på ein psykiatrisk avdeling, og den absurde revyvisa "BCC, serru, serru".
Karin Kilden, song og forteljing
Trond Lindheim, piano
Christiania Klangkollektiv
Skogens løyndom
Laurdag 18.april kl 16
Skogen rommar eit heilt univers av liv, løyndom og fortryllande stemningar – ein rikdom som til alle tider har inspirert kunstnarar. Dei impresjonistiske komponistane fanga magien i naturen slik malerane fanga leiken til lyset på lerretet: gjennom glitrande klangfarger, eksotiske melodiar og rytmer som bølger som vinden i tretoppane. Når Ål i april får besøk av tre musikarar på internasjonalt toppnivå, opnar dei døra til denne poetiske verda. Publikum får en sjeldan mogelegheit til å oppleve musikken slik den ein gong var tenkt – framført på dei instrumentene han var skriven for på byrjinga av 1900-tallet – og la seg omslutte av eit klangunivers der natur og draum smeltar saman.
I denne konserten møtast tre komponistar med kvar si unike historie og klangverd: Claude Debussy, impresjonismen sin meister, Mel Bonis, som lenge var gløymd, men i dag trer fram som ein av sin tids mest originale røyster – ein kvinneleg pioner som kombinerte draumande skjønheit med emosjonell kraft i musikken sin, og Lili Boulanger – eit vidunderbarn som skrev seg inn i musikkhistoria før ho gikk så altfor tidlig bort. Saman byr dei på ei gripande blanding av lidenskap, poesi og livsglede i eit program som spenner frå intime voggesongar og lyriske nattscener til glitrende impresjonistiske perler og ein av 1900-tallets mest betydningsfulle kammermusikksonatar for fløyte, bratsj og harpe.
For dette spesielle repertoaret har dei norske musikarane Torun Torbo og Mari Giske fått med seg den tyske harpisten Eva Curth med sin originale Érard harpe frå 1893.
Torun Torbo, fløyte
Mari Giske, bratsj
Eva Curth, harpe
Ballkjolekveld!
Fredag 15.mai kl 19
Lenge sidan du har lufta den finaste kjolen i skapet? No har du sjansen! Ballkjolekveld i Operalåven vert ein jentekveld av dimensjonar. Vi skal ete, drikke, danse, skravle og kose uss - og ja, det er sjølvsagt lov å skifte kjole halvvegs ut i kvelden...!
Kåringar med premiar:
Kjolen med den mest morosame historien
Kjolen med mest bling
Den eldste kjolen
Den mest elegante kjolen
Den mest bløtkakeaktige kjolen
Andre? Send innspel til festkomitéen!
Aldersgrense nedover er 25 år - dette er ingen ungdomskveld. Velkomstdrink og fancy fingermat er inkludert i prisen. Baren er åpen utover kvelden.
Billettar kr 400. Betaling via Vipps: #15617
Påmelding innan 1.mai.
Ta den finaste festkjolen fram frå skapet og bli med!
Tømmermannskveld!
Fredag 21.mai kl 18
Tømmerveggane i fjøset i Operalåven vert ofte kommentert av oppmerksame gjester. Kva er historia bak desse veggane, og kor kjem dei enorme stokkane frå? Korleis får man eigentleg stokkane til å liggje i kryss? Kva vet vi om tømmer og tømmerdrift i Votndalen og Hallingdal? Er du mann med interesse for tømmer - dette er kvelden for deg.
Gudbrand Gulsvik frå Hallingskog startar kvelden med eit foredrag om tømmer og tømmerdrift i Hallingdal. Steinar Sørbøen held fram med historia bak stokkane i fjøset og korleis dei kom på plass, og til slutt får vi høyre om då byguten Espen Liane lærte kunsten å lafte sitt eige hus.
Mellom slaga vert det pauseaktivitetar som telling av årringar, løfting av tømmerstokker (så klart!) og kanskje nokre røvarhistorier. Kaffe og noko småtteri å bite i er inkludert i inngangsbilletten. Baren er åpen.
Velkomen til gutta sin kveld i låven!
Billetter kr 200 kjøpast på Vipps: #15617
Song Circus og Tuva Færden
Vardøger
Sundag 31.mai kl 14
I gamle dagar brukte dei magiske ritual og songar for å vekke åkeren om våren. Kor vender me uss i dag når polane smeltar og gradane stig? Vardøger er ei kjærleiksfyld forsvarstale for vernet av naturen vår, komponert av felespelar og komponist Jorun Marie Kvernberg. Gamle bøner, rim og regler om godt vêr og grøderikdom er blanda med fagtekster, og det frodige og vakre lydlandskapet har ein fot i tradisjonsmusikken og ein i samtida. Musikken spring ut av Jorunn Maries felespill, men og av song og vokal lydleik. Den har og avtrykk av lyd fra far-Kvernbergs seljefløyte-makeri.
Kammerensemblet Song Circus (etablert i 2009) er eit ledande vokalensemble innan samtidsmusikk. Kunstnerisk leiar er Liv Runesdatter. Song Circus arbeidar med eksperimentell musikk, lydkunst og audiovisuelle produksjonar. Det er eit utradisjonelt og improviserande vokalensemble, bygd som eit instrument, med ulike kvalitetar og musikalske tilnærmingar. Song Circus har opptrådt på festivalar og konsertscener i Europa, og har vorte spelt på radio og TV i Tyskland, Skottland, Belgia, Nederland og Norge. Surround-albumet Anatomy of Sound var nominert til Spelemannpris, og den nyaste filmproduksjonen deira, Fugler, har vorte vist på 27 internasjonale filmfestivaler i 16 ulike land og har vunne 9 internasjonale filmprisar.
I Ål er det Tuva Færden som spelar fele. Konserten arrangerast i samarbeid med Folkemusikkveka.
Sommaropera!
Laurdag 27.juni kl 13 og 18
Opera midt i naturen!
For 8. år på rad ynskjer me velkomen til utandørs Sommaropera på Sehl.
Publikum sit i tunet, og får servert musikalske høgdepunkt frå opera og operette brodert inn i ei lokal historie der humor og høge tonar går hand i hand. Framsyninga høver for heile familien, og er i år særskilt høveleg for born!
Det er 2 framsyningar: kl 13.00 og kl 18.00.
Området opnar 2 timer før. Sal av mat og drikke. Publikum sit under open himmel og må kle seg etter vêret.
Området har noko begrensa parkering, samkøyring er tilrådd. Publikum kan ha med eigne stolar eller teppe til å sitja på i grasbakken. Eit felt med stolar nær scena er tilgjengeleg for dei som vil sitja på flatmark.
Solistar: Mariann Fjeld-Solberg, Marit Sehl, Markus Bjørlykke og Jørgen Magnus Komani Haslum. Piano: Monica Tomescu-Rohde.
Manus og regi ved Marit Sehl.
Kjøp billettar
Billettar til alle våre framsyningar kan kjøpast direkte i skranken på Ål kulturhus, eller på heimesida til Ål kulturhus. Der kan du og kjøpe gåvekort til framsyningar i Operalåven.
Hugs at vi har gratis inngang for barn og ungdom t.o.m 21 år!