Konsertar og framsyningar
Katie Mahan
- From Vienna to New York!
Onsdag 05. november, kl. 18.00.
Den amerikanske Mozart-eksperten er attende i Operalåven med eit forrykande program av Mozart sin unike musikk.
I 2024 lyfta applausen nesten taket av låven etter at Katie Mahan hadde spelt "Måneskinnssonaten" av Beethoven. No kjem ho med nok eit program av musikalske favorittar: Mozart sin kjende Fantasi i C-moll, sjølvaste Eine kleine Nachtmusik i hennar eige arrangement for solo piano, og Gershwins I got rhythm som finale. Ein stjernepianist av dette kaliberet er sjeldan å oppleve i våre trakter. Konserten er kalla From Vienna to New York!
Fredag 21. november, kl 19.00
Opera med låge skuldre og høg underhaldningsfaktor.
Har du ikkje vore på Operapub før, så har du endeleg sjansen no. Artige ariar og dirty duettar står på programmet, og publikum på bygdepub får sjølsagt synge med på dei beste melodiane. Musikk frå Tryllefløyta, Spelemann på taket, Carmen, Porgy and Bess og andre favorittar. Kom tidleg og bli sitande lenge!
Medverkande:
Marit Sehl - song
Øystein Skre - song
Monica Tomescu-Rohde - piano
Operapub - Ål by night!
Gjermund Larsen Trio
Laurdag 6.desember kl 16.00
Christmas sessions
Etter å ha komponert eigen musikk i snart 20 år, gav Gjermund Larsen Trio i fjor ut sitt første julealbum, «Christmas Sessions». I eit vakkert, folkemusikkprega musikalsk landskap tolkar trioen kjende og kjære julesongar på sin måte. Gruppa består av Gjermund Larsen (fele), Andreas Utnem (trøorgel/piano) og Sondre Meisfjord (kontrabass). Dei har hausta ei rekkje prisar, både Spellemannpris (2008), German phonographic critics award (2015) og TONOs komponistpris (2016). No kjem dei til Operalåven med god musikk og eit bodskap om fred og bedre tider.
"Me har plukka ut den julemusikken me likar best, og gjeve den signaturen vår. Fleire av julesongane har eit sterkt budskap om fred, noko som diverre er ekstra viktig i desse tider." Gjermund Larsen
Tenorane og Steffen Horn
- Ha ei god jul, då!!
Fredag 12. desember, kl. 19.00.
Musikalsk juleglede med julegløgg og staute karar.
Midt julestria treng me alle eit pusterom. I vintermørkret kan musikk gje varme og fylle hjartet med julestemning. Tenorane Henrik Hundsnes, David Fielder og Aasmund Kaldestad og den strålande pianisten Steffen Horn inviterer deg inn i varmen med ein magisk konsert full av glitrande tonar og ekte songglede. Dei kan by på alt frå rockeinspirerte songar av Dum dum Boys til tidlause, klassiske juleperler me alle kjenner. Dei rører ved nostalgien med silkemjuke Sinatra-låtar, og kraftfulle Elvis-nummer som tek oss tilbake til ei svunnen tid, og lyfter taket med mektige meisterverk av store komponistar som Bach, Händel og Verdi. Senk skuldrene og nyt ei stund med vakker musikk som gjev ro i sjela og påfyll av juleglede. Så ha ei god jul, då!
Kjøp billettar
Billettar til alle våre framsyningar kan kjøpast direkte i skranken på Ål kulturhus, eller på heimesida til Ål kulturhus. Der kan du og kjøpe gåvekort til framsyningar i Operalåven.
Hugs at vi har gratis inngang for barn og ungdom t.o.m 21 år!